واقتیمیز یوخدور ، چالادان چیخیب ، قویویا دوشک - آذتورک

واقتیمیز یوخدور ، چالادان چیخیب ، قویویا دوشک - آذتورک
بای بک جومه, 3ی شهریور 1385 @ 10:38
چهرگانلی بئی لریندن آراز رادیوسیندا ، اؤرنجی گونونون باره سینده سؤروشورلار ، باشلیر 1374 اینجی ایلده گئچن فعالیت لرین هامیسین اؤز آدینا قورتاریر. من بئله ائیله دیم ، من ائله ائیله دیم.چهرگانلی بئیین رسمی اینترنت سایتی ، گونئی آذربایجاندا اوز وئرن ایشلری بوتون اؤز آدینا قورتاریر ، «گونئی آذربایجان میللی اویانیش حرکاتی». البت پارتیانین آدی دا بو ایجازه نی اونلارا وئریر.
چهرگانلی بئی لری گوناز تی وی یه چیخیشی اولور و اوردا یالنیز اوندان تعریف ائدن لره سالام علیک ائیلیر و دوز عمللی سورغولاری ، جاواب سیز قویور (مسعود اینتیظار بئیین سورغولاری هله ده جاواب سیز قالیر) بیز ده او سورغولارین جاواب لارین چهرگانلی بئی لریندن گؤزله ییریک.چهرگانلی بئی لرینین وورولاران
اولو تانری نین آدیلا
هر نه دن اؤنجه بو مقاله نین ندن یازماقینین غیللتینی دئمه لی یم. آذربایجان میللتی یئنه بیر دوروم دا قرار تاپیب و یئنه گرک بیر بویوک تصمیم توتوب و سونرالارینین یولونو ایندیسه سئچیب و اوندا آتدیم آتسین. اونل گؤره ده ایندیسه من بیر آذربایجانلی اولاراق ، اؤز باخیشیمی و نظریمی بو باره ده یازیرام ، هر نه اولسا منیم ده حاققیم وار بو باره ده دانیشام ، البت حاققیم وار یالنیز اؤز طرفیمدن دانیشام ، میللت طرفیندن یوخ.گئچنکی گونلر ده نئچه یازی اینترنت سایتلاریمیزدا ، گاموحون نقدینده یازیلیب و یاییلدی.
دئمک اولار بو یازیلار «گاموح، گئچمیش و بوگونکو یاشام» یازیسیلا بیر موددت بوندان فاباقدان باشلانمیش و «گاموح و ادامه سیاست مصادره» یازیسیلا یئنه آرایا گلدی. بو ایکی یازیدا بیر پارا واقعییت لره ایشاره اولوندو. ایلک یازی اؤز آنا دیلیمیزده یازیلمیش و بئله لیکله ایسته ییره م او مقاله نین یازاریندان (مسعود اینتیظار بئی لریندن) میننتدارلیغیمی بیلدیریم. آما ایکینجی یازی نین یازاریندان (حمیده اسکوئی خانیملاریندان) بیر گیلئی ییم وار ، ندن اؤز یازیسینی ، اؤز آنا دیلیمیزده یازمامیش. هر نه اولسا ، بیزیم تنقیدلریمیز گاموح دان بیر تورک له تورکون سؤزودور و باشقالارینین بو مقاله دن باشلاری چیخماسینین دلیلی اولا بیلمز. البت او یازار دا بیر پارا مسائله ایشاره ائتمیشلر ، آما ایر او سؤزلری اؤز آنا دیلیمیزده یازسایدیلار ، چوخ یاخشی اولاردی.
بونلاردان سونرا بیر یازی یایینلاندی بو آدلا «نگاهي متفاوت به جريان گاموح و مصادره حرکت ملي آذربايجان» بو یازی نین یازاری (احمد حسین پور) یئنه بیر یابانجی دیلده ، میللتیمیزین آرا سؤزلری نی آرایا چکدی. و او جنابلاریندان دا گیلئی یئری وار. آما بو یازی نین جاوابیندا بیر باشقا یازی یایینلاندی بو آدلا « توجيه ناشيانه مصادره گري گاموح» بو یازی نین یازاری بیزی داها تعججوبلاندیردی ، بیزیم مسعود اینتیظار بئی لریندن اصلن اینتیظاریمیز یوخ ایدی مقاله سین فارس دیلینده یازسینلار. آما تاسسوفلا یازیلدی.ایندیسه بیزده ایسته ییریک بو باره ده اؤز باخیشیمیزی ایرائه وئرمیش اولاق.بوردا یئری وار بوتون وطنداشلاردان ایسته ییم ، بیر پارتیادان دیفاع ائدن زامان ، داها ایلک سؤزوز ، او پارتیادان اوزاق گزمک اولماسین. سیزین بیر پارتیایا باغلی اولماقینیز یازیزدان بیلله نیر ، داها سیزین دانماقیز ندن دیر ، بیلمه ییره م؟ میللت او قدر اوشاق دئییل کی سیزین یازی نی اوخویاندان سونرا هله هوش ائیله میه سیز هانسی پارتیایا باغلی سیز.احمد حسین پور بئی لری یازیلاری نی بئله باشلاییرلار: « قبل از هر مطلبي اين نکته را بيان نمايم که بنده نه عضو گاموح و نه عضو هيچ گروه و يا تشکل آذربايجاني نيستم » او مقاله نی اوخویان یازینین سونوندا یاخشی بیلیر سیز هانسی پارتیایا باغلی سیز. ندن اونو گیزله دیرسیز؟قورخمایین گاموحا باغلی اولماق گوناه دئییل کی اونو بئله دانیرسیز. هر حالدا او دا بیر آذربایجانلی پارتیا دیر.احمد حسین پور بئی لرینین یازیسینا ، « توجيه ناشيانه مصادره گري گاموح» مقاله سی یاخشی جاواب وئردی و داها باشقا دئمه لی سؤز یئری یوخدور.آما دوغرودان وضع نه جوردیر؟گؤره سن ! گاموح ایسته ییر بیزیم میللی حرکتیمیزی موصادیره ائتسین؟گؤره سن ! گاموحا تنقید یازانلار هامی سی یالنیش یولدادیلار؟گؤره سن ! گاموح آذربایجان یولوندا چالیشیر ؟ یا باشقا بیر یولدا؟بیز بو یازیدا ایسته ییریک بو سورغولارا ، جاواب وئرک.
بیزیم باخیشیمیزدا گاموحون مصادره چیلیکی یالنیز بو اؤرنک لرده کی عزیز وطنداشلاریمیز بویوروبلار دئییل؟ بو پارتیا ائله اؤز پارتیاسینین آدینی سئچن زاماندان بو فیکیرده ایدی و تئزه لیکده بو فیکیره دوشمه ییب. بیر پارتیا کی گلیب آدینی قویور «گونئی آذربایجان میللی اویانیش حرکاتی» ائله اؤز آدیندا هر نمنه نی موصادیره ائیله ییب ، قورتاریب. داها بیر زاد قالماییب کی ایسته یک اونو اؤرنک گتیره ک.من اؤزوم جرکته گیرن زامان بئله سانیردیم کی قویور «گونئی آذربایجان میللی اویانیش حرکاتی» پارتیاسی بوتون چالیشقان لاری اؤزونده یئر وئریب و هامی اوندان سؤز آلیر و او هامی نین لیدری دیر. آما سونرالار بالا بالا ، موطالیعه و تحقیق لریم آرتینجا گؤردوم یوخ ، من بویوک بیر ایشتیباه دایدیم.آما گؤره سن یئنه ده تئزه حرکته گیرنلر بورایا چاتیرلار کی بو پارتیانی یالنیز بیر پارتیا گؤرسونلر و اونو بوتون آذربایجان یولوندا چالیشان گؤرمه یه لر؟بو پارتیانین ، بیر بویوک ایشی بو اولوب کی اؤز لیدری نی بیر موقددس آدام کیمی تانیتدیریب و اونا تقددوس قائل اولسونلار. بو سؤزومه بیر اؤرنکیم ده وار. دیققت ائلی یین بو گئچن هفته لرده مشروطیتین ایل دؤنومو ایدی.
بو شکیله دیققت ائدین
او دئدیغیمیز زاماندا گاموحون رسمی سایتی ، مشروطه نین ایل دؤنومونون اؤزونو بوراخیب و بیر دووار یازیلتی سینی بیر بویوک گؤوه نیللیک بیلیب اؤزونه. هله او دا بللی دئییل هاردا یازیلیب؟ اصلن یازیلماسینین دا نه خئیری وار بیلمه ییریک؟ بو یازی مشروطه ایل دؤنومونه نه ایرتیباطی وار؟ایر یوخ ، ربطی یوخدور و بیر پارتیازین تبلیغی دیر ، داها «مشروطه اینقیلابی نین یوز ایللیک ایل دونومو موناسیبتینه گوره» یازماقیز ندن دیر؟بئله بیر ایش منی اوشاقلارین یادینا سالیر کی ایسته یرلر ، هر ایش ده اؤز آدلاری دئییلسین.
اوشاقی گؤندریب بیر زاد گه تیرنده ، اون سئری دییه ر من اونو گتیردیم ها. یا نئچه سئری دییه ر من او ایشی گؤردوم ها.ایندی ده بو پارتیانین لیدری اؤز دانیشیقلاریندا ، یازیلاریندا ، پارتیاسینین اؤیه لرینین ایش لرینده ، یالتیز پارتیانین لیدری تبلیغ اولور.گؤرموشوک بیر پارتیانین مرامینی ، یولونو تبلیغ ائدرلر ، داها لیدری نی تبلیغ ائتمزلر کی.البت دونیانین دالیا قالمیش مملکتلرینده (دالیا ساخلانمیش دئمیره م ، بیزی ائله اؤزوموز دالیا ساخلاییریق ، هئچ کیمسه دالیا ساخلامیر) بئله بیر ایش لر تعججوب یارالدمیر. اینانمیرسیز تاریخیمیزا بیر باخیش سالین.
چهرگانلی بئی لریندن آراز رادیوسیندا ، اؤرنجی گونونون باره سینده سؤروشورلار ، باشلیر 1374 اینجی ایلده گئچن فعالیت لرین هامیسین اؤز آدینا قورتاریر. من بئله ائیله دیم ، من ائله ائیله دیم.چهرگانلی بئیین رسمی اینترنت سایتی ، گونئی آذربایجاندا اوز وئرن ایشلری بوتون اؤز آدینا قورتاریر ، «گونئی آذربایجان میللی اویانیش حرکاتی». البت پارتیانین آدی دا بو ایجازه نی اونلارا وئریر.
چهرگانلی بئی لری گوناز تی وی یه چیخیشی اولور و اوردا یالنیز اوندان تعریف ائدن لره سالام علیک ائیلیر و دوز عمللی سورغولاری ، جاواب سیز قویور (مسعود اینتیظار بئیین سورغولاری هله ده جاواب سیز قالیر) بیز ده او سورغولارین جاواب لارین چهرگانلی بئی لریندن گؤزله ییریک.چهرگانلی بئی لرینین وورولاران پارتیا اؤیه لری ، بیر بیانیه کیمی بیر یازی ائشیگه وئریرلر و اورادا چهرگانلی بئیی ، یالنیز پارتیا لیدری آدلاندیرمادان گیلئی له نیرلر و ایسته ییرلر کی بوتون گونئی آذربایجان لیدری آدلاندیریلسین. گؤره سن بو گاموح اؤیه لرینین ایشی بیرلیک یارالدان بیر ایش ایدی؟اگر یوخ ! به ندن چهرگانلی بئی بو یازینین قاباغیندا سؤز دانیشمادیلار ، یا هئچ اولماسا پارتیالارینین باشقا باشکانلاری یازی ائشیگه وئرمه دیلر و او بیانیه یازانلاری بیرلیکه ساری چاغیرمادیلار؟
گؤرسه نیر کی چهرگانلی بئی ائله ده اونلارین ایشیندن گیلئی لی دئییل ، آخی او بئچارا دا ائیله بو مقامی ایسته ییر دا. و اونو گؤزله ییر کی هامی بو سؤزو سویله سینلر ، اؤز پارتیاسینین اؤیه لری یوخ.چهرگانلی بئی و اونون پارتیاسی گاموح ایشی اورایا یئتیریبلر کی آذربایجان میللتینین طرفیندن بیر قوندارما بایراق چیخاردیرلار. سونرا بیزیم نئچه یوز ایللیک ایشله دیلن الیفبامیزی سایمایاراق ، ایسته ییر لاتین الیفباسینی بیزه تحمیل ائتسین. من بیلمه ییره م بیر میللتین دیلینین الیفباسی باره سینده دیلچی لر گرک نظر وئرسینلر یا بیر بالاجا پارتیانین لیدری؟
اگر دیلچی لری ایشی اولسا ، ندن پروفسور هیئتین سؤزونو سایمی ییرلار. او جناب عمرونو بو یولدا قویوب و هئچ زامان لاتین الیفباسی نین اویغون اولماسینا ایذعان ائتمی ییب و همیشه عرب الیفباسینا تاکید ائدیب.گؤره سن دیلچیلیک ساحه سینده چهرگانلی بئی لری ، پروفسور هیئتین ساوادیجا ساوادی وار؟چهرگانلی بئی لری بویورورلار: «ملل با شرف زير پرچم خود زندگی می كنند» ایندیسه بیز گونئی آذربایجاندا دولتیمیز یوخدور و بئله لیکله موستقیل و آیری بایراقیمیز دا یوخدور ، گاموح اؤنردیغی بایراق دا یالنیز بیر پارتیا بایراقی دیر و میللتین بایراقی دئییل . ایندی من و منیم فیکیرداش لاریم هانسی بایراق آلتیندا یاشامالی ییق؟
گؤره سن چهرگانلی بئی لرینین باخیشیلا ، اونون وئردیغی بایراق آلتیندا یاشامایان آذربایجانلی لار شرفلی دئییل لر؟ گؤره سن چهرگانلی بئی بئله بیر ایجازه اؤزلرینه وئریر کی بیر بویوک میللته توهین ائتسین؟تاسف لا گاموح و اونون لیدری اؤز مرامنامه و اساسنامه سینده ده آذربایجانچیلیق یئرینه تورك چولوك یازیب. بیز آذربایجان تورکو اولاراق ، اؤز وطنیمیز یولوندا چالیشمالی ییق.
گاموح اؤز تانیتیمیندا بئله یازیر: « در اين رابطه از طرف رهبرﻯ گاموح پرچم معينی بمثابه سمبل سياسی حركت ملی تقديم ملت ترک آذربايجان در ايران شده است. اين پرچم نزديكی بسيارﻯ با پرچم دولت مستقل آذربايجان شمالی دارد. که برای اولین بار در سال 2003 با دستان تنومند حركت ملی آذربايجان جنوبی در قلعه بابک به اهتزار در آمد و بعد از آن توسط فعالين حركت ملی بيدارﻯ آذربايجان جنوبی در داخل و خارج از کشور بمثابه سمبل ملی سياسی - پرچم ملی آذربايجان جنوبی استفاده می شود.» بیلمیره م نه زاماندان بیر نفر اؤنر دیغی بایراق و اون ، اون بئش نفرین یاردیمی لا قالدیریلان بایراق ، بیر بویوک میللتین بایراقی اولار؟ایر بایراق سئچیمی بئله اولسا منیم ده بئله بیر ایدداعام وار منیم ده بیر اؤنردیغیم بایراق وار و داغا چیخان زامان دوستلارین یاردیمیلا اونو داغدا دالغالاندیردیق و ایندیسه گرک او بایراق میللی بایراقی اولسون. ایر ایسته ییرسیز او جریان دان شکیللر ده بیله ییزه یوللاییم؟بایراق سئچیمینده ، گاموحون یازدیغی سؤزلردن گولمه لی سین ایندیه قدر گؤرمه میشدیم. بئله بیر ایستیدلالین قاباغیندا آدام بیلمیر اوتوروب گولسون ، یا بونلارین ساوادسیزلیقلارینا آغلاسین؟
گاموح سایتی « مختصری در باره حركت بيدارﻯ ملی آذربايجان جنوبی» یازی سیندا ، بئله یازیر: «نقش رهبرﻯ دكتر محمود علی چهرگانی در تسريع روند حركت ملی آذربايجان جنوبی امرﻯ انكار ناپذيراست»بو یازی دا داها پارتیا دان سؤز گئتمیر و حرکت دن سؤز آپاریلیر و چهرگانلی بئی ده اونون لیدری آدلاندیریلیر. ایر او وطنداشلاریمیز کی هله اینانمیرلار کی بو پارتیا ایسته ییر حرکتی موصادره ائدیب و اؤز آدینا قورتارسین ، ائله بو یازی نین بو جومله سینه دیققت ائتسین لر.
ایسته میریک سؤز داها بوندان اوزون اولسون ، آما یئنه سؤزلر وار و ایر لازیم اولسا گلنکی فورصتلرده اونلاری دا آرایا گه تیره جه ییک.یالنیز بو مسئله نی ده آرتیرمالی یام کی ، ایر گاموح و اونون صدریندن چهرگانلی بئی لری ایسته ییرلر یالنیز آذربایجان یولوندا چالیشسینلار و بیرلیک فیکرینده اولسونلار ، گرک اؤز حددلرینی تانیسینلار.و اؤز لرینین یالنیز پارتیا لیدری اولماقینی بیلسینلر و اوندان باشقا داها ایدداعالاری اولماسین. و ایر اوندان یوخاری ایستک لری اولسا ، گرک دوزوب بیر سئچیم ده او ایسته که ال تاپسینلار ، ایندی زورلا یوخ.
بیر ده او قارداشلاریمیز کی گاموح چی اولاراق ، گاموح دان هر نه تنقیدین قاباغین باغلاییب و دئییرلر ایندی تنقید زامانی دئییل دئمه لی یه م. ایندی ائیله او زامان دیر و گرک هامی آیدینجاسینا اؤز سؤزلرینی و اؤز ندن لیغینی آرایا گتیرسین. 28 ایل بوندان قاباغکی ایرانین ایسلامی اینقیلابی کیمین اولماسین کی میللت باشینی قالخیدانا ، گؤردو بیر قوندارما لیدر باشلاری اوستونده دیر. چهرگانلی بئیین اینحیصارسئومکی و دیکتارتورلوقو اونون گوناز تی وی یه چیخیشیندا دانیشیقی نین لحنین دن ده بللی ایدی ، و توتدوقو ایندیکی یولو دا ائیله بو سؤزو تایید ائدیر ، آذربایجان میللتی بئله بیر آداما هئچ واقت لیدرلیک فورصتی وئرمه ییب و وئرمز. بیزیم داها واقتیمیز یوخدور ، چالادان چیخیب ، قویویا دوشک.
گله جک بیزیم اولمالیدیر
آذتورک 2/6/85
_ _ _ _ _ _ _ مربوط اُلان یازیلار
===> نگاهي متفاوت به جريان گاموح و مصادره حرکت ملي آذربايجان - احمد حسین پور
===> توجيه ناشيانه مصادره گري گاموح
===> گاموح و ادامه سیاست مصادره - حمیده اسکوئی
===> گاموح، گئچمیش و بوگونکو یاشام
http://www.baybak.com بای بک سایتیندان پرینت اولوب