XEBER(4)

ايران حاکمييتي آذربايجانين عمومي مئدييا لارينا هجوملار ين آرتيريبدير

م. قاراداغلي


بايکوت و سانسور توتاليتر حکومت لرين گوج قايناقي دير.توتاليتر ايران حاکميتي گوجلو ايچ و ديش فارس آپارتايد لابي سينين يارديم ليق ايله ايرانين غيري فارس ميللت لرينين حقيقت لرين و ميللي مسله لرين بايکوت ائديرکن بو ميللت لرين اؤز ال ايله يارانان مئدييا لاردا ايمکان وئرمير.
اؤزل ليک ايله ايران حاکميتي کئچن اوچ آيدا گونئي آذربايجانين بوتون مئدييالارينا(رسانه لرينه)هجوم چکرک اونلارا نيسبت تضيق لار ياراديبدير،حاکمييت آذربايجان ميللي حرکت نين گوجلو تريبونلاريندان اولان اويرنجي درگي لر ين يوزه دوغسانينا نشر ايمکاني وئرمدن بو درگي لرين باغلانماسينا سبب يارتميشدير و قالانيندا يا باغلاييب يا فشارلاين آرتيب دير باغلانان لاردان:
1-تهران يونيوئرسيته سينده چيخان سرعصري يول قازئته سي
2-علامه يونيوئرسيته سينده چيخان ساوالان و هاراي درگيسي
3-تبريز يونيوئرسيته سينده چيخان کيمليک وآراز درگي لري
4-زنگاندا چيخان قيزيل اوزن و زنجان سؤزلري
5-خوي بيليم يوردوندا چيخان ياشيل درگي سي
6-سولدوز يونيوئرسيته سيندا چيخان باتي آذربايجان
7-اصفهان يونيوئرسيته سيندا چيخان شهريار و دان اولدوزو
8-تبريز آزاد ايسلامي يونيوئرسيته سينده چيخان آذر درگيسي
و سون گونلرده اويانيش و ائل سسي و بيرليک درگي لرينين ايشچي لرينين اهرده ياخلانمالاريندان آد آپارماق اولار.
محلي و سرعصري قازئته لردن نويد آذربايجان،آراز و فرداي ما رسمي شکيلده باغلاندي.بو بير حالدادير کي حاکمييت ين آذربايجان ميللت ينه نيسبت ياپديغي بو غيري دئموکراتيک و اختناق عمل لر هم آذربايجان مئدييالارينذا هميده دونيا حقوق بشر قوروملارينين ديقتيه آلينماميشدير.
آذربايجان ميللت نين ديگر تريبونلاريندا اولان اينترنتي سايت لاريدا بو تضييق لاردان اوزاق قالماميشلار ائله کي بو سايت لرين چوخو فيلترينگ اولموشدور،و بو سايت لارين ان اکتيوي اولان «گونئي آذربايجان اينفورمامرکزينين » رسمي سايتي آذساو رژيم طرفيندن ايسفند آي نين اول لرينده مسدود اولاراق اونون 2 ايل ليک آرشيوي و هاستينگ ايله دوميني ده حاکميت طرفيندن ضبط اولونموشدور.
شيگاگو دان ياييلان آذربايجان ميللت نين حق بوغازي اولان «گوناز تيوي » ده رژيم ين استبدادي گوج سلطه سينه معروض قالاراق تورک سات مسيرينده ياييلماقدان محروم قالميشدير.
ايران حاکميتي تورکييه دؤولت ينه نيسبت تروريستي عمل لرين آرتيرما قورخو گلمه تاکتيک ايله موفق اولموشدور بو تورک اؤلکه سي نين دؤولت آدام لارين گونئي آذربايجان ميللت ينه ظلم ائتمک معروضه سينده قويسون.
بونلار تهران حاکمييت نين آذربايجان ميللت ينه نيسبت ياپديغي سياست لرينين بير گوشه سي دير .بو گون بايکوت ،سانسور،بيان آزادليغينا قارشي چيخماق دونيا سويه سينده غئيري اخلاقي و غئيري حقوقو عمل لر سانيلير.
م. قاراداغلي